Xuntanza de Catecumenado en Lugo, Ateibo

Este Sábado, 21 de Xaneiro,o noso Centro Xuvenil acolleu a xuntanza dos grupos xuvenís de tempo libre de todas as asociacións xuvenís da  Federación de centros Xuvenís Don Bosco de Galicia.

En total fomos uns cen rapaces (de entre 15 e 19 anos) que viñeron de A Coruña, Ourense, Vigo, Cambados e Lugo.

A xuntanza comezou sobre as 11’00 no centro Xuvenil de Ateibo, onde se fixo a presentación e o saúdo. Para despois repartirnos por grupos para desfrutar dun roteiro de experiencias pola cidade no que tivemos tempo para coñecer, dialogar e reflexionar. Este ano centrámonos en "Buscar as pegadas de Abbà" pola nosa bonita cidade de Lugo.

Ás 14’30 tivemos tempo para xantar e tivemos tempo libre ata as catro da tarde.

Despois tivemos unha celebración na que recollimos o que vivimos ao longo da mañá. Para poñer un punto e final, os grupos reuníronse por lugares de procedencia para asentar as vivencias e amoldalas á súa realidade diaria.

Antes de irnos, ás 18’00 fixemonos todos unha foto lembraza na Praza da Milagrosa.

Un día cheo de amigos, reencontros, reflexións, algo de frío. Pero un día para repetir!

Bo Nadal desde Ateibo!

CAFÉ CONCERTO ATEIBO 2011

Outro ano máis, Ateibo cumpliu 22 anos, o día 8 de Decembro!
Polo que imos a celebralo poro todo o alto cun café concerto o día 17!

Prepara a túa actuación para participar no noso particular:l ¡TU SI QUE VALES!
a partir das 20.00h da tarde, ata as 11.30 aproximadamente.
VENTE!

Asamblea da Federación en Santiago

O 16 de Outubro participamos en Compostela na Asemblea da Federación Don Bosco de Galicia. Estivemos con outros mozos e mozas que pertencen ós diferentes centros xuvenís galegos. Despois do saúdo do Director Xeral de Xuventude e Voluntariado, comezamos a xornada con fotos das actividades realizadas nas nosas asociacións. E tivemos conto e todo! Xa que a nena gañadora do concurso de Hipercurtos contos leunos o seu relato.

Despois, meténdonos xa en materia, aprobamos o plan Anual e eliximos os novos cargos unipersoais. Temos novo presidente, Marcos Pérez da Asociación Xuvenil de Amencer; e nova secretaria María Quiroga ¿non vos soa? E como tesoureiro: Adrián Rodríguez, tamén de Amencer.

E eso non foi todo, xa que tivemos tamén tres relatorios sobre diferentes temas actuais: a lingua e cultura galega, a solidariedade e ata intentamos comprender mellor a crise económica. Pero tamén tivemos momentos lúdicos. Tras a comida, puidemos elixir entre xogar ó fútbol ou, os que se atreveron, ter un minicampionato de Paintball.

Xa vedes todo o que fixemos, pero o máis importante é que foi un día para compartir con animadores doutros centros locais. Porque o enriquecedor de pertencer á Federación é precisamente darse conta de cómo todos traballamos en rede. Así que para os que desta vez non se animaron, ¿a qué esperades? Que xuntos somos máis!

Por certo, para ver que estamos todos comunicados, síguenos en Twitter: @fedboscogal

Gomaespuma: 14 e 15 de Outubro

Este fin de semana, moitos dos animadores de Ateibo, de Juan Soñador e amigos, adentrámonos no marabilloso mundo de facer monicreques de gomaespuma, traballamos durante toda a fin de semana sen descanso, pero o resultado merece a pena, Vos que credes?

PODEDES VER AS FOTOS DE TODO O PROCESO PULSANDO NO TÍTULO DO ARTIGO!!

Asamblea Inicio de curso Santiago: 1 e 2 de Outubro

O primeiro fin de semana de Outubro, os animadores do noso Centro Xuvenil, tivemos a Asamblea de Inicio de Curso. Para cambiar un pouco de aires, fomos facela o Centro Don Bosco de Santiago. Alí comezamos o curso, cambiando oficialmente parte da Xunta Directiva, como xa sabedes Sergio releva a Paula, na presidencia (xa era hora), e comezamos a poñernos ao día, con datas, presupostos, subvencións, aventuras, excursións...

Durante a reunión Ateibo regalounos a todos unha axenda e unha pegatina co noso logo, para alegría e orgullo de todos.

Despois de cear Borja do Centro Don Bosco, preparounos un xogo por Santiago, un Geochatching, ou para os de aquí, unha búsqueda de puntos GPS, ou puntos ways... No que un dos grupos, ejem ejem, chegou media hora tarde quedando totalmente descalificado. Despois disto fomos tomar algo por Santiago e desfrutar da Feira Medieval que este fin de semana había por Compostela.

O domingo pola mañá, dividímonos por agrupacións, Pequech@s, Andaina, ADS e Catecumenado para empezar a pensar no curso e programar. Despois dunha comida preparada con moito amor por TAL, e unha morea de fotos, cada un se foi para a súa casa, con moitas cousas na cabeza... Cando repetimos?

Verán Europeo: Playground Europe, EUreka e MEET ME

Durante este verán tres dos animadores de Ateibo, fóronse por Europa adiante da man da Don Bosco Youth Net.

O primeiro en irse a coñecer mundo foi Julián, que chegou ata Maribor, Eslovenia,  para unirse ao “Playground Europe”, onde disfrutou como un cativo con xente de Austria, Polonia, República Checa, Malta entre outros.

Con toda esta xente Julián aprendeu un montón de xogos doutros países que esperamos que nos ensine...

Camilo foise a Alemaña, ao intercambio celebrado en Benediktbeuern, chamado “EUreka” do 6 ao 13 de Agosto, con xente de sitios tan distintos como Bélxica, Escocia, República Checa, Francia...

Camilo veu falando alemán, e o seu inglés agora ten acento xermánico, aí queda iso...

E Paula foise a un dos países mais pequenos da UE, Malta, a participar no “MEET ME” do 8 ao 16 de Agosto, no cal facía moito sol e calor, e os únicos que saímos sen queimaduras de terceiro grado, foron os propios malteses e nos. Alí xente do Reino Unido (queimados) Polonia (queimados) Eslovenia (queimados) Eslovaquia (tamén queimados)... fixeron actividades de todo tipo e pasaron uns días incribles.

Gracias a esta experiencia, agora coñecemos máis o que se fai por toda Europa nos Centros Xuvenís, como se ve a Don Bosco por aí adiante, e sobre todo fixemos amigos por toda Europa. Foi unha experiencia inesquecible. que esperamos repetir en breves.